Chi siamo

Chini seus

Posta in Nurri, in su coru de sa Sardìnnia, nascit in su 1962 sa coperativa UNIONE PASTORI chi oi est un'organizatzioni de produsidoris cun una passioni manna po su mundu agrupastorali, chi ollit fai bìviri is costumus sardus cun fieresa.S'amori po sa terra donat s'ispiratzioni, e s'acàpiu intre òmini e territòriu est sa fortza chi permitit de fai casu caraterìsticu e de calidadi arta. Su processu atentu de sciòberu de su lati, is cuntrollus precisus de is allevamentus, e s'impreu de is tènnicas prus avantzadas, funt sa basi de s'impìnniu e de sa passioni chi nci poneus po mudai su lati in casu primorosu, siat brebexinu, cràbinu o ammesturau. In is pasturas nidas de sa natura manilarga nci funt fintzas matas e prantas de sa mància mediterrànea chi donant a su lati e a su casu fragus caraterìsticus.De s'impìnniu de 500 sòcius de sa coperativa, nascit s'abbisòngiu de fai unu sistema de produsidura locali chi podit fai connosci e prommovi una variedadi manna de produtus agrualimentaris primorosus e sa bellesa de su territòriu.Duncas, est nàsciu su primu Distretto Agroalimentare di Qualità in Sardìnnia, “Le Eccellenze Agroalimentari e Zootecniche dei Parchi Naturali della Sardegna”, chi ollit prommovi s'immàgini de is produtus de is ditas piticas chi si ocupant de messarìtzia e allevamentu. Sa tarea est sa de favoressi sa bèndida e de fai cresci sa cultura a sa sustenibilidadi e a sa responsabilidadi.

Presidio del Cibo, assegurat calidadi

De custu progetu nascit s'abbisòngiu de inserrai is produtus aintru de unu marcu solu, chi ddi nant "Presidio del Cibo" Custu marcu est de importu mannu intre is produsidoris de alimentus biològicus e localis in Sardìnnia. Olleus prommovi e avalorai is primoris de su territòriu sardu traballendi imparis cun produsidoris localis chi tenint is proprius valoris de sustenibilidadi e calidadi cummenti a nosu.Olleus ofèrriri a is consumadoris produtus sanus e bonus chi arrespetant s'ambienti e is costumus de su territòriu. Olleus essi unu referimentu in s'amparu de sa calidadi e de s'innidesa de sa cosa de pappai. E olleus sustenni is produsidoris localis chi traballant cun passioni po ofèrriri produtus sanus e bonus a is consumadoris. Teneus sempri a menti s'ambienti e sa sustenibilidadi impreendi una logìstica moderna chi funtzionat beni e atras acataduras sustenìbilis.